Lufttrykk
Kva skjer når varme luftmolekylar blir avkjølt inni ei tom plastflaske?
Du treng:
- Ei tom plastflaske med kork
- Varmt og kaldt vatn
Slik gjer du:
- Fyll flaska med varmt vatn.
- Hell ut vatnet.
- Skru igjen korken.
- Hald flaska under kaldt vatn.
Kva skjer?
Når du tek varmt vatn i flaska, varmar du opp luftmolekyla inni flaska. Varme molkeyl sprett fort rundt, og nokre av dei hoppar også ut av flaska. Når du held flaska under kaldt vatn, vil molekyla/lufta bli avkjølt. Molekyla sprett ikkje lenger rundt.
I tillegg er det no færre molekyl inni flaska enn utanfor flaska. Lufta utanfor pressar på og får ingen motstand. Det er ikkje nok molekyl i flaska til å halde imot presset utanfrå. Flaska blir då pressa saman.
Meldinger ved utskriftstidspunkt 18. april 2024, kl. 20:55 CEST
Det ble ikke vist noen globale meldinger eller andre viktige meldinger da dette dokumentet ble skrevet ut.