I denne forskarsprinten skal de forske på løping for å finne ut kva som kan påverke kor fort vi spring.
Dette er elevsida til forskarsprinten. Her finn du lærarsida til Kva kan påverke kor raskt vi spring?
1: Problemstilling: Kva kan påverke kor raskt i spring?
De skal bruke Nysgjerrigpermetoden til å finne ut kva som kan påverke farten.
2: Hypotesar
Kva trur du kan påverke kor raskt du spring?
NB! Du skal berre samanlikne med deg sjølv.
Døme på hypotesar:
- Vi spring saktare utan joggesko.
- Vi spring raskare frå startposisjon som sprintar i startblokk, enn frå ståande posisjon.
- Vi spring om lag halvparten så fort dersom vi ikkje beveger armane når vi spring.
- Vi spring raskare med armane i diagonalgang enn i passgang.
Når alle har delt tankane sine, drøftar de i gruppa og blir einige om éin hypotese.
3: Plan for undersøkinga
Planlegg korleis de vil teste hypotesen de har valgt.
Drøft:
- Korleis kan de teste hypotesen slik at andre kan stole på resultata?
- Korleis skal de gjennomføre forsøket?
- Korleis skal de ta tida?
De treng også skrivesaker og ein tabell å skrive resultata i.
4: Hente opplysningar
Gjennomfør planen dykkar.
Noter resultata i tabellen
5: Oppsummering og drøfting
Snakk saman i gruppa: Kva har de funne ut?
Førebu dykk på å dele med resten av klassen.
6: Fortel til andre
Del med resten av klassen:
- Kva hypotesar de hadde.
- Korleis de testa ho.
- Kva de fann ut.
Til slutt drøftar de i klassen: Kva påverkar farten mest og minst?